一年一度的上海商業博愛單車百萬行又黎啦！
單車百萬行係香港單車盛事之一，
雖然，我唔係年年都有參觀，2018 年係我第二次參加，
對上一次係2016啦!
唔講咁多先，去片!
Hea 剪段片😂
好想去但無去的朋友可以用第一身上下昂船洲大橋，入下南灣隧道啦!
 |
| 我係英雄啦! |
單車係公路飛馳的感覺係有被風輕撫，被風叫喚的感覺！
雖然平時都有在公路踩單車，
但只有單車百萬行或單車節先有機會可以上大橋同入隧道(唔係行人隧道呀😂🤣😂🤣)，
係海上大橋踩單車其實係好辛苦的，
風係唔同方向的吹，對丁屎咁大粒的單車友其實都好大影響，
要用多d力去搞風阻。
其實單車百萬行的路線一d都唔輕鬆，
全長約12km左右，唔係好長，
不過，好多上落斜，
仲要唔係短的，係長到一個點的長命斜，好似無盡頭咁，
所以好多無練開斜路的都推車的。Jackie有練過，每個斜路都堅持到!!!
其實玩得單車百萬行，都係想上下昂船洲，影下相咁。
今次活動比我兩年前玩的時候好好多，
少左人一邊揸車，一邊自拍/影相，
多數都係影相位停車快閃影幾張，再開車。
不過進同出影相位真係要小心d，有d假日車手見都唔見飛出飛入嫁!!!
我踩果陣聽到兩次救護車聲，見到一個被推走的車手，
我估佢應該係有經驗的單車，因為佢部被工作人員推走的車係私伙 road bike。
有練過的都無緣完成路線，其實都幾可惜。
要下年再玩過啦!
所以千奇千奇千奇唔好睇少12km，
我都係活動前練多左幾次車，加多左上落斜訓練，
因為我唔想上報!!!
今次我用大會借的車，真係好唔啱踩，
好重，Gear又唔好，吱吱聲，超嘈!
不過，我唔想帶自己車去，
因為住老遠，要抬上抬落去，會好攰，本身要超早起身，已經體力有損，
都係咪搞我，借大會車啦!
我帶左有喇叭的頭盔，一邊聽歌，一邊踩，係爽d的。
(段片好多都無本身的聲係因為有我唱歌聲，我怕羞☺️)
再帶左個單車包、八爪魚腳架加HTC RE。
單車包載手機加充電器，可以一邊藍牙播歌，加用Strava記錄路線等。
八爪魚腳架夾係背囊帶到加HTC RE就拍到片！
估唔到RE電可以用咁耐，長拍片一粒鐘都無問題!!!
 |
| 今次件衫超靚! |
 |
| 超超超型!!! |
 |
| 完成!!! |
#上海商業博愛單車百萬行 #CycleforMillions #清風雲伴際會昂船
